VOV4.Bahnar - Anih tơm vei lăng găh bơ ngai jang, linh jĭ rơ ka păng tơ pôl ‘nao apĭnh Thủ tướng set hơ len tơ chơ̆t tơ lĕch vă jê̆ 10.000 tấn phe đơ̆ng phe mong răk kơ teh đak tơ gŭm kon pơ lei ưh kơ măh pơ ngot năr Têt Nguyên đán Nhâm Dần păng pơ yan ƀa pơ tai hnông blŭng sơ năm 2022. 7 tơ ring đei apĭnh iŏk phe ‘noh đei: Tây Ninh, Cao Bằng, Phú Yên, Ninh Thuận, Nghệ An, Gia Lai păng Quảng Bình. Lơ̆m vă jê̆ 10.000 tấn phe tơ gŭm, tơ gŭm năr Têt kơ pal vă jê̆ 7.000 tấn. Kơ sô̆ uơ oei dơ̆ng tơ gŭm pơ yan ƀa pơ tai hnông, dŏng pơ ngot. Anih tơm vei lăng găh bơ ngai jang, linh jĭ rơ ka păng tơ pôl hlôi akŏm athei rim tơ ring tơ roi tơ băt kơ Thủ tướng tơ lĕch asong hloh 158.000 tấn phe vă tơ gŭm hloh 2,7 triệu ŭnh hnam ưh kơ măh pơ ngot năr têt păng đei ƀơm ưh kơ ‘lơ̆ng đơ̆ng jĭ COVID-19.

Thuem: Tơ blơ̆