VOV4.Bahnar - Anih tơm vei lăng tơ drong jang xa, linh jĭ rơ ka păng tơ pôl oei iŏk nơ̆r tơ gop đơ̆ng dôm anih tơm, anih jang kơ pal vă tơ roi ăn Thủ tướng trong pơ gơ̆r pơ dơ̆h Tết Nguyên đán păng pơ dơ̆h lêh Quốc khánh sơ năm 2023. Mă hơ dăh, Anih tơm vei lăng tơ drong jang xa, linh jĭ rơ ka păng tơ pôl tơ lĕch 2 trong pơ gơ̆r pơ dơ̆h Tết Nguyên đán sơ năm 2023.

Trong mă 1: Pơ dơ̆h 5 năr kiơ̆ tơ drong hơ găt, lơ̆m nŏh đei 2 năr pơ dơ̆h adrol kơ Tết păng 3 năr đơ̆ng rŏng kơ Tết, kŭm hăm 2 năr pơ dơ̆h thim dơ̆ng rim giĕng, akŏm đĭ đăng 7 năr pơ dơ̆h hơ nơ̆ng hloi. Trong mă 2: Pơ dơ̆h 5 năr kiơ̆ tơ drong hơ găt, lơ̆m nŏh pơ dơ̆h 1 năr adrol kơ Tết păng 4 năr đơ̆ng rŏng kơ Tết, kŭm hăm 2 năr pơ dơ̆h thim dơ̆ng păng 2 năr pơ dơh hơ tuch giĕng, jing 9 năr pơ dơ̆h hơ nơ̆ng.

Lơ̆m 2 trong pơ gơ̆r pơ dơ̆h âu, Anih tơm vei lăng tơ drong jang xa, linh jĭ rơ ka păng tơ pôl athei rơih trong pơ dơ̆h Tết Quý Mão 2023 kiơ̆ trong mă 1 vă akŏm đĭ đăng năr pơ dơ̆h hơ nơ̆ng ưh đei lơ hlŏh 7 năr, atŭm hăm ‘nŏh pơm ‘lơ̆ng ăn jơ năr pơ dơ̆h adrol păng đơ̆ng rŏng kơ Tết.

Dơ̆ng: Tơ blơ̆