VOV4. Bahnar - Kơsơ̆ năr 1/6, Kuô̆k hô̆i hlôi pơma dơnŭh tơ̆ hnam hop akŏm găh tơmơ̆t dơ̆ng pơtôch jang kiơ̆ trong hơmet hơdrol atŏk tơ iung mŭk drăm-tơpôl păng kon jên jang Tĕh đak sơnăm 2021 păng dôm khei blŭng sơnăm 2022. Vang iung pơma tơ̆ hop akŏm, Kơdră tang măt Kuô̆k hô̆i K’Nhiễu - Khŭl Lâm Đồng tơgop nơ̆r: Tơring kon kông păng groi kông đei hơnĭh dơ̆ng tôch gĭt kăl lơ̆m tơdrong jang atŏk tơ iung tĕh đak adoi nhen tơdrong jang kĕch mang kơ Đảng. Kuô̆k hŏi jăl XIV hlôi pơjing Tơdrong tơchơ̆t kơsô̆ 120 kĭ tơchơ̆t trong tơlĕch jang tơmơ̆t jên jang Tơdrong jang tĕh đak atŏk tơ iung mŭk drăm-tơpôl tơring kon kông păng tơring groi kông jăl jang 2021-2030. Khul kơdră chĕp pơgơ̆r tĕh đak hlôi pơrô̆ tơlĕch jang tôch kơtang rim hơnĭh tơm, hơnĭh bơ̆ jang iung jang kiơ̆ păng tơlĕch jang. Ƀok K’Nhiễu apĭnh athei Khŭl kơdră Tĕh đak, Thủ tướng Tĕh đak lăng ba kơ jăp, pơrô̆ athei rim Hơnĭh tơm, hơnĭh bơ̆ jang đei ƀơm trŭh kăl đei mĭnh trong jang chĭnh trĭ kơtang vă akŏm lơ kon jên hu, khŭl jang, jơhngơ̆m pran, jơhngơ̆m đon gơ̆h hơgei vă tơlĕch pơgơ̆r jang kiơ̆ tơdrong jang au, hơdrin tơlĕch 100% kon jên jang nhen hlôi pơjao ăn.

Tơblơ̆ nơ̆r: Amazưt