Kiơ̆ kơ Anih pơgơ̆r jang, ‘nâu jĭ dôm tơdrong jang ‘lơ̆ng hơiă ‘mêm mơnat, tơƀôh tơdrong ‘mêm, tơdrong bơngơ̆t truh đơ̆ng kơdră chĕp kơ̆l păng kon pơlei pơlei tơm Hồ Chí Minh hăm bơngai Việt păng bơngai Lào đei tơdrong arih sa mơmat tat tŏk bŏk arih sa tơ̆ dêh char Khammouan, kiơ̆ đơ̆ng noh tơgop hơmet ming tơdrong pơvei tơbôl, tơdrong tơgoăt tơgoăl gĭt kăl păng jang hơdai tôm tơdrong đơ̆ng 2 Đảng, 2 teh đak păng kon pơlei 2 teh đak Việt Nam-Lào lơ̆m kơplăh hơtŏk tơiung păng mơ̆t jang hơdai hăm apŭng plĕnh teh.

Kŭm lơ̆m tơdrong jang mơ̆n, Anih jang găh bơngai Việt Nam oei tơ̆ teh đak đe pơlei tơm Hồ Chí Minh kŭm hlôi pơjao asong hơtuh hla ar Việt đei kơjă 5 triệu hlak jên ăn kơ Hnam trưng hŏk jăl 1 Thống Nhất tơ̆ thị xã Thakhek.