Mă hơdăh, đơ̆ng năr 24/7 truh đĭ năr 26/7, Hnam pơgang Ƀô̆ đô̆i 15 ăn khul ƀok thây pơgang iung năm jang khăm jĭ, ƀơk pơgang tơ̆ 3 tơring Ia O, Ia Boong, Ia Mơr, apŭng Chư Prông. ‘Nou jĭ tơdrong jang joăt joe rim sơnăm kơ Binh đoàn 15 lơ̆m rim ‘măng truh jơ ‘năr tơbăt Năr Bơngai rơka-Lôch dŏng teh đak (27/7), vă ƀlŏk hơdơ̆r hôn bơnê dôm tơdrong tơgop đơ̆ng rim ŭnh hnam đei iŏk yua ăn teh đak, bơngai đei iŏk yua ăn kĕch mang; vang hơlêm dôm tơdrong tơnap tap hăm kon pơlei lơ̆m tơring sơlam teh đak găh Tu Tây Nguyên. Tơdra hơdrol sơnăm ou, rim hơnih gô iung jang khăm jĭ, ƀơk pơgang ăn dang 1.500 ‘nu bơngai, hăm kon jên pơprŏ ăn 200 triu hlak jên.