Hơ nơ̆ng bơ̆ jang lơ̆m hop akŏm mă 4, Kuô̆k hô̆i jăl 15, ‘năr (3/11), Kuô̆k hô̆i hơ nơ̆ng apinh jet hăm Kơ dră tơm vei lăng ming man Nguyễn Thanh Nghị. Atŭm hăm ‘nŏh tơ lĕch nơ̆r apinh hăm Kơ dră tơm vei lăng tơ drong tơ roi tơ băt Nguyễn Mạnh Hùng găh tơ drong vei lăng kơ sô̆ điên thoăi, kơ̆l kơ sô̆, sek tơ lang sim ưh đei măt bơ ngai yoa, pơ jing tơ drong jang mŭk drăm kiơ̆ kơ măy sô̆, Khul kơ dră pơ gơ̆r hăm kơ măy sô̆.  

Tơ̆ ‘ngoăih jơ Hôp Kuô̆k hô̆i, dôm bơ ngai tang măt hơ pơi ‘mĕh, Anih tơm vei lăng tơ roi tơ băt đei mĭnh trong jang pơ jing anih jang, chô̆ tơ lei pơ yoa ăn tơ drong pơ jing tơ pôl kơ măy sô̆, khul kơ dră pơ gơ̆r hăm kơ măy sô̆. Kăl loi jĭ trong tơ plih kơ măy sô̆, tơ mât yoa kơ măy kơ mŏk roi tơ băt ăn tơ ring hơ tăih yăih, tơ ring kon pơ lei kon kông oei. Mă tơ pă anih jang kơ măy sô̆ đơ̆ng bơ̆n hrei ‘nâu tơ̆ dôm tơ ring hơ tăih yăih tam mă pơm lăp hăm tơ drong ‘mĕh vă. Dôm bơ ngai tang măt hơ pơi ‘mĕh Kơ dră tơm vei lăng tơ drong tơ roi tơ băt đei trong jang vă hơ met pơ ‘lơ̆ng păng man anih jang pơ yoa ăn kơ măy sô̆ kơ Việt Nam.