VOV4.Bahnar - Ăn tơ gop nơ̆r lơ̆m Luơ̆t tĕch mơ dro ƀao hiêm ( hơ met ming), dôm bơ ngai tang măt athei ưh kơ gơh hơ nơ̆ng iŏk nôp Jên mong vei lăng bơ ngai đei ƀao hiêm hơ găt lơ̆m Luơ̆t. Mă lei Anih tơm vei lăng jên hu oei athei vei vă teh đak kơ chăng pơ găn vei lăng tơ drong đei yua đơ̆ng bơ ngai răt ƀao hiêm. Luơ̆t tĕch mơ dro ƀao hiêm tơ lĕch ăn dang ei păng Luơ̆t tĕch mơ dro ƀao hiêm ( hơ met ming) đei hơ găt găh Jên mong răk pơ gŏ păng Jên mong vei lăng bơ ngai đei ƀao hiêm. Tơ drong pơ jing đơ̆ng 2 Jên mong âu adoi lăng truh vei sơ đơ̆ng hơ năp jang đơ̆ng anih jang mơ dro sa ƀao hiêm mưh pă đei kĕ kla ăn, tơ gop vei lăng bơ ngai răt ƀao hiêm. Dôm bơ ngai tang măt kŭm akhan, Luơ̆t tĕch mơ dro ƀao hiêm ( hơ met ming) kăl vei sơ đơ̆ng hơ tŏ băl ƀiơ̆ tơ drong đei yua đơ̆ng bơ ngai răt ƀao hiêm. Dôm anih jang mơ dro sa tĕch ƀao hiêm athei mă hơ dăh ƀiơ̆ lơ̆m tơ drong vei lăng tơ drong đei yua đơ̆ng bơ ngai răt ƀao hiêm. Hơ găt kơ jăp hơ năp jang đơ̆ng dôm anih jang mơ dro sa ƀao biêm lơ̆m tơ drong iŏk yua kơ tơ̆ng ang kơ dih đơ̆ng bơ ngai răt yua.

Thuem: Tơ blơ̆