VOV4.Bahnar – Tơdrong jang “Bơbu\ng hnam ko\ng đoan” kơyuơ Liên đoan Lao đo\ng dêh char Đăk Lăk tơle\ch jang lơ\m dôm xơnăm âu ki hlôi tơgu\m kơ hre\ng đoan viên, bơngai jang đei tơdrong erih tơnap tap “xơđơ\ng anih oei jang xa”. Lơ\m xơnăm 2021, đơ\ng Jên mong “Bơbu\ng hnam Ko\ng đoan” dôm jăl jang Ko\ng đoan lơ\m tơring kơ dêh char hlôi tơtom tơgu\m ming man, hơmet đei 120 to\ hnam ăn đoan viên đei tơdrong erih tơnap tap găh hnam oei hăm kơso# jên tơgu\m hloh 4 tih 500 tr^u hlj.

Klo lôch hơchăng, pơmai Nguyễn Thị Loan, tơ\ xăh Ea Rốk, apu\ng Ea Súp, dêh char Đăk Lăk jing dơnơm lơ\m vei rong kon hơ ioh păng me\ klo 'lo\ xơnăm. Tơdrong erih unh hnam tơnap tap noh hơpơi đei minh pôm hnam man kơjăp hăm pơmai Loan tôch tơnap tap. Pơmai Loan tơroi: Hre hrông chă to\k io\k đơ\ng đe vă hơmet j^ ăn kơ klo, tơre\k por xo\ng tơ[ăng xa ăn unh hnam păng tơdrong ho\k pơhrăm đe kon hơ ioh pơm ăn pơmai [ơm lơ tơnap tap. Erih lơ\m hnam tơdăng dôm me\ kon, yă xâu pơngơ\t kơ đon [ơ\t rim 'măng 'mi kial truh: “J^ bơnôh klo lôch hơchăng, pơngơ\t găh mu\k drăm ưh kơ đei, mă lei pu\n ai đei 'nho\ng pơmai oh lơ\m Liên đoan Lao đo\ng apu\ng [ôh tơdrong erih inh tơnap tap noh tơgu\m ăn me\ kon inh đơ\ng khei năr unh hnam inh [ơm xar bar. Păng mă kăl noh đe 'nho\ng pơmai oh hlôi tơgu\m vă me\ kon inh đei hnam tơno\ 'mêm kơ eng”.

Xơnăm 2021, pơmai H'Ni Wong B’Krông, đoan viên Ko\ng đoan tơring Cư Huê, apu\ng Ea Kar, chơt hơ iă to\k oei hnam 'nao kơyuơ Liên đoan Lao đo\ng dêh char tơgu\m jên ming man. Hnam 'nao đei man hăm hơgăt xă 70m2, đei kơjă je# 180 tr^u hlj. Lơ\m noh, Liên đoan Lao đo\ng dêh char tơgu\m 50 tr^u hlj, Anih Pơgơ\r Linh apu\ng Ea Kar tơgu\m 10 tr^u hlj, kơso# jên oei lăi noh kơyuơ unh hnam chă mong đei păng to\k io\k đơ\ng 'nho\ng oh. Pơmai H’Ni Wong tơroi: Hloh 10 xơnăm kơ âu tơdrong erih unh hnam tơnap tap noh klo hơkăn inh oei atu\m hăm me\ [ă păng đe oh. Dang ei đei hnam 'nao tơgu\m unh hnam inh đei anih gơnơm vă adrin jang xa, hơto\k lơ\m tơdrong erih: “Kơyuơ tơdrong jang xa jên khei ưh đei xơđơ\ng, ưh ke\ bơ\ hnam noh oei atu\m lơ\m 10 xơnăm. Dang ei ke\ đei hnam âu inh hmach bơnê kơ tơdrong tơgu\m đơ\ng dôm jăl jang đảng, đơ\ng tơring, apu\ng duh nhen dêh char hlôi tơre\k pơm trong hiôk tơgu\m klo hơkăn măr nhi, vă xơđơ\ng tơdrong erih, vă nhôn xơđơ\ng jơhngơ\m pơm jang”.

Kiơ\ tơdrong chih ako\m đơ\ng Liên đoan Lao đo\ng dêh char Đăk Lăk, lơ\m xơnăm 2021, đơ\ng Jên mong “Bơbu\ng hnam Ko\ng đoan” dôm jăl Ko\ng đoan lơ\m tơring kơ dêh char hlôi tơtom tơgu\m ming man, hơmet 120 to\ hnam ăn đoan viên đei tơdrong erih tơnap tap găh hnam oei hăm kơso# jên tơgu\m hloh 4 tih 500 tr^u hlj.

{ok Nguyễn Công Bảo, Kơdră Liên đoan Lao đo\ng dêh char Đăk Lăk ăn tơbăt: Tơdrong jang “Bơbu\ng hnam Ko\ng đoan” lơ\m dôm xơnăm kơ âu hlôi io\k tơdrong pơdrơ\ng, tơgu\m đơ\ng dôm jăl jang Đảng, jơnu\m pơgơ\r tơring, rim anih jang, jơnu\m tơpôl tơ\ tơring, dôm anih jang mu\k drăm lơ\m păng 'nguaih kơ dêh char. Tơdrong jang hlôi tơgu\m ăn đoan viên, bơngai jang tơnap tap đei anih oei xa xơđơ\ng pơm jang, tơguăt hloh hăm anih jang ko\ng đoan, tơgop vei xơđơ\ng tơdrong pơyua hăm tơpôl lơ\m tơring kơ dêh char: “Lơ\m xơnăm âu ki, Bơbu\ng hnam ko\ng đoan nhen le\ dôm anih jang adoi pơm jang tơnăp tơdrong hơvơn bơngai jang vang chă tơgop lơ\m jên mong âu. Kiơ\ tơchơ\t đơ\ng nhôn noh rim đoan viên minh khei tơgop 5.000 hlj. Păng đơ\ng ro\ng kơ noh nhôn răk ăn ko\ng đoan tơ\ kơpal păng tơ\ tơring đei 90% vă chă pơkăp tơle\ch pơm jang. Oei 10% nhôn răk ăn păng axong ăn dôm anih jang tơnap tap hloh. 'Nguaih kơ noh Liên đoan Lao đo\ng dêh char oei chă hơvơn tơgu\m đơ\ng dôm anih jang nai”.

Rim Bơbu\ng hnam ko\ng đoan đei pơjao hlôi pơjing tơdrong hơ iă lơ\m đon bơnôh đe đoan viên ko\ng đoan, đơ\ng noh, đe xư lui ngeh pơjing tơdrong erih tơno\ lơ\m unh hnam.

Lan chih păng pơre nơ\r