“Bơbŭng Hnam Việt” hơnhăk tơdrong ‘mêm kơ eng truh hăm Tơring Tŏk bŏk - Tây Nguyên
Thứ hai, 13:56, 23/09/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar – Lơ̆m 3 năr (đơ̆ng ‘năr 20-22/9), tơ̆ plt Buôn Ma Thuột dêh char Đắk Lắk, 18 unh hnam đe oh hơioh pơti tơ̆ dôm dêh char Đắk Lắk, Đắk Nông, Gia Lai, Khánh Hòa vang truh hăm tơdrong jang “Bơbŭng hnam Việt” păng iŏk đei tơdrong tơgŭm găh jên hu đơ̆ng dôm anih pơgơ̆r.
‘Nâu jĭ ‘măng mă 2 tơdrong jang ‘nâu đei pơgơ̆r tơ̆ Tây Nguyên. Tơdrong jang “Bơbŭng hnam Việt” đei đơ̆ng 1 tơdrong pơih pơdăh lơ̆m tivi tơ̆ yăn âu ‘măn ăn đe oh hơioh pŭ răm đơ̆ng jĭ covid-19, truh dang ei hơnơ̆ng pơih xă truh tơ̆ đe oh hơioh pơti, ưh đei unh hnam vei rong.
Truh hăm tơdrong jang ‘nâu, đe oh hơioh păng unh hnam gô iŏk đei jên tơgŭm vă pơm hơtŏk tơdrong arih xa, pơm tơjur ƀiơ̆ tơdrong gleh hrat pơmat tat. Jô̆ truh dang ei, tơdrong jang ‘nâu hlôi tơgŭm ăn hlŏh 310 unh hnam đei tơdrong arih xa pơmat tat, hăm kơsô̆ jên hlŏh 15 ti.
Viết bình luận