Ƀok Kơdră dơnơm kơ VOV Đỗ Tiến Sỹ plang hlôt nhang kơ Linh lôch dŏng teh đak truh apong, asong tơmam ăn bơngai tơgŭm jơhngơ̆m ăn kăch mang tơ̆ Đà Nẵng
Thứ năm, 14:28, 13/07/2023
VOV/Lan tơblơ̆
VOV/Lan tơblơ̆
VOV4.Bahnar – Kơsơ̆ năr (12/7), ƀok Đỗ Tiến Sỹ, jang lơ̆m Trung ương Đảng, Kơdră pơgơ̆r Anih jang Đảng, Kơdră dơnơm kơ Rađiô nơ̆r pơma Việt Nam chĕp kơ̆l Khul kơpal pơm jang hlôi truh plang pơkao, hlôt nhang pôk bơnê kơ Linh lôch dŏng teh đak tơ̆ pơlei tơm Đà Nẵng.
Ƀok Kơdră dơnơm kơ Rađiô nơ̆r pơma Việt Nam hlôi truh apong, asong 50 tơpu tơmam ăn bơngai tơgŭm jơhngơ̆m ăn kăch mang tŏk bŏk oei đei rong 'me tơ̆ Anih akŏm rong 'me bơngai tơgŭm jơhngơ̆m ăn kăch mang tơ̆ pơlei tơm ƀơ̆t tơbăt 76 sơnăm năr Linh jĭ rơka – Linh lôch dŏng teh đak (27/7). Pơma ăh 'măng năm apong, ƀok Đỗ Tiến Sỹ vih tơbăt tơdrong nuih mơng kơ đe linh păng kon pơlei lơ̆m tơdrong tơblăh sơ̆.
Ƀơ̆t tơbăt 76 sơnăm Năr Linh jĭ, Linh lôch dŏng teh đak roi tơnăp hloh, lơ̆m tơdrong jang đei jơnei kơ teh đak đei tơdrong plang tih tên đơ̆ng đe Linh lôch dŏng teh đak, đe Yă đei hơnăn Mĕ Việt Nam Nuih mơng, rim bơngai tơgŭm jơhngơ̆m ăn kăch mang.
Viết bình luận