Tơ̆ dôm hơnih tơƀơ̆p pơma dơnuh, Khŭl tang măt Quốc hội dêh char Gia Lai roi tơbăt hăm bơngai tăh hla găh tơdrong jang păng pơtôch ‘măng hop akŏm mă 7 Quốc hội jăl XV âu ki. Dôm bơngai tăh hla tơƀôh đon chơt hơiă găh pơtôch ‘măng hop akŏm, mă loi ‘noh jĭ tơdrong pơdrơ̆ng kiơ̆ lơ luơ̆t ‘nao kŭm hăm lơ tơdrong gĭt kăl. Hơdai hăm ‘noh, bơngai tăh hla ar kŭm tơroi lơ tơdrong oei đei tơ̆ tơring, ‘meh đei dôm bơngai tang măt păng Quốc hội bơngơ̆t truh, set hơlen.

Mă hơdăh nhen hla ar asong hla ar yua teh mơmat, pơdui đunh pơm ưh kơ lăp đon lơ̆m Kon pơlei; tơdrong ưh kơ măh đak yua oei tam mă đei hơmet ‘lơ̆ng; athei teh đak vei lăng ‘lơ̆ng hloh hăm dôm bơngai răm đơ̆ng pơgang điôxin păng kang ƀô̆ bơ̆jang tơ̆ xăh. Tơ̆ Thị xã Ayun Pa, bơngai tăh hla athei găh kăl kơ vei lăng kơjăp tơdrong jang rong xem pleng lơ̆m hơnih kon pơlei oei; bơngai đei kŏng mơmat lơ̆m iŏk jên tơgŭm kiơ̆ thẻ ATM.