Tơ̆ Hop akŏm, đơ̆ng rŏng kơ mơ̆ng bơngai tang măt quốc hội roi tơbăt dôm tơdrong iŏk đei lơ̆m hop akŏm âu ki, bơngai tăh hla tơ̆ xăh Ia Hrú, apŭng Chư Pưh, dêh char Gia Lai tơƀôh đon hơ iă hăm dôm tơdrong jơnei đơ̆ng hop akŏm mă 6, Quốc hội jăl XV. Bơngai tăh hla oei tơchĕng ‘lơ̆ng đon jang tơnăp đơ̆ng dôm bơngai tang măt Quốc hội dêh char Gia Lai đei lơ nơ̆r tơgop gĭt kăl ăn tơdrong jơnei kơ hop akŏm.

Tơ̆ jơ tơƀâp, bơngai tăh hla kŭm tơlĕch lơ nơ̆r pơma apinh găh dôm tơdrong oei tơhlăk tơ̆ tơring, nhen: trong năm tơ̆ plei Tong Yong tôch kơnê̆, hư đĭ bơih; kơjă unh điên jô̆ ăn kon pơlei tơ̆ tơring tơrang tam mă lăp; athei tơrek hlŏh dơ̆ng truh tơdrong tơplih ming tơđăh ‘long, kon yŏng păng vei sơđơ̆ng anih răt iŏk tơmam đơ̆ng choh jang xa đei; mă loi, bơngai tăh hla tôch tơtŏ đon găh trong pơm hla ar teh tơ̆ tơring, tôch pơmat tat păng hiong lơ năr…