Chih iŏk nơ̆r tơgop đơ̆ng bơngai tang măt ăn Kuôk hô̆i tơ̆ 'măng hop akŏm mă 4, truh dang ei, Chih akŏm Luơ̆t Kơjă (hơmet tơplih) pơkăp găh xơđơ̆ng kơjă kiơ̆ tơbang hơdăh hơdjă. Tơdrong pơkăp hơdăh hơnăn dôm tơmam drăm kăl xơđơ̆ng kơjă lơ̆m Luơ̆t adoi hơmet đei tơdrong  “luơ̆t pơkăp, luơ̆t iŏk jang”. Chih akŏm Luơ̆t adoi pơkăp găh tơdrong kăl hơmet kơ dôm tơmam drăm kăl xơđơ̆ng kơjă, Jơnŭm pơgơ̆r teh đak pơtruh ăn Anih juăt jang kơ Kuôk hô̆i hơlen lăng, tơlĕch tơchơ̆t. Găh xơkơ̆t kơjă, chih akŏm Luơ̆t adoi hơmet minh ƀar pơkăp kiơ̆ tơlĕch tơchơ̆t, kiơ̆ xơnong jang kơ po, kiơ̆ khôi luơ̆t kơ hla bar pơkăp kơjă păng Tơmam drăm kơyuơ Jơnŭm pơgơ̆r teh đak xơkơ̆t vă vei xơđơ̆ng hơdăh hlăng, vei xơđơ̆ng ăn bơngai jang pơkăp kơjă.