Buôn Ma Thuột (Đắk Lắk) ‘măn hơmet 3,5 ti hlak jên vă tơgŭm ăn bơngai rơgei truh bơ̆ jang
Thứ tư, 14:19, 06/03/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Plt Buôn Ma Thuột (Đắk Lắk) hlôi ‘măn hơmet 3,5 ti hlak jên đơ̆ng jên teh đak vă tơgŭm ăn dôm bơngai juăt jang, bơngai jang khoa hŏk, bơngai rơgei găh dôm tơdrong nhen: Kơmăy kơmŏk roi tơbăt, choh jang xa hăm kơmăy kơmŏk ‘nao, pơvih ăn tơdrong chă tơmang lăng, chĕng hơmet tơring kơdrâm, ming man - chih pơjing trong tơgŭm lơ̆m tơpôl.
Mă hơdăh, dôm bơngai jang rơgei gô đei tơgŭm blŭng a tôch đa 500 triu hlak jên 1 ‘nu, păng đei xa jên khei lơ hlŏh ‘nŏh 50 triu 1 ‘nu 1 khei. Hăm hla ar pơkăp jang kiơ̆ nơ̆r hơgăt, chih hơdăh jên kla kiơ̆ tơdrong drơ̆ng nơ̆r. Rim tơdrong jang, tơdrong tơchĕng hơlen khoa hŏk, trong jang, tơdrong pơchĕh ‘nao găh ki thuơ̆t, kơmăy kơmŏk đei anih jang, khul grŭp jang kơpal kĭ ăn, chih tơbăt ‘nŏh đei hơpăh thim jên dang 1% akŏm đĭ đăng jên jang. Kơsô̆ jên hơpăh ưh đei tŏ sĕt ƀiơ̆ 50 triu 1 ‘nu 1 tơdrong jang. Khei ‘năr sơng bơngai rơgei đơ̆ng jăl khei mă II sơnăm 2024 truh đĭ sơnăm 2027.
Viết bình luận