Cư Kuin, Đăk Lăk: 3,75 tih hlj tơmam pôk ăn bơngai teh đak tơchơ̆t tơgŭm, unh hnam tơnap tap
Thứ bảy, 10:22, 03/02/2024
VOV Tây Nguyên/Lan chih tơblơ̆
VOV Tây Nguyên/Lan chih tơblơ̆
VOV4.Bahnar – Kơtơ̆ng ang đơ̆ng Anih jang vei lăng kon pơlei apŭng Cư Kuin (Đăk Lăk), ah Têt Nguyên đán Giáp Thìn 2024 âu, jê̆ 9.000 bơngai mă teh đak tơchơ̆t tơgŭm, unh hnam tơnap tap tơ̆ apŭng đei iŏk tơmam Têt, kơsô̆ jên đei asong noh 3,75 tih hlj.
Hơdah, đei 3.596 ‘nu bơngai tơgŭm jơhngơ̆m hăm teh đak, bơngai ‘lŏ sơnăm tŏk bŏk oei xa tơgŭm đơ̆ng tơpôl, bơngai hơven hovo jo jăn, hơ-ioh pơti, bơngai tol măt đei iŏk tơmam Têt sơnăm 2024, rim tơpu tơmam đei kơjă 500.000 hlj.
Atŭm hăm noh, tơ̆ apŭng adoi đei 5.366 unh hnam hin dơnuh, tơjê̆ hin dơnuh đei asong tơmam ƀơ̆t Puih mak Giáp Thìn 2024, rim tơpu tơmam đei asong ăn unh hnam hin dơnuh noh 1.000.000 hlj. Ƀok Võ Tấn Huy – Kơdră Anih jang vei lăng kon pơlei apŭng Cư Kuin tơroi, rim ‘măng Têt truh Puih mak vih, Anih jang vei lăng kon pơlei apŭng hơnơ̆ng tơrĕk hăm tơdrong hơrih kơ dôm bơngai mă teh đak tơchơ̆t tơgŭm, bơngai iŏk xa tơgŭm đơ̆ng tơpôl, rim unh hnam hin dơnuh, tơjê̆ hin dơnuh.
Viết bình luận