VOV4.Bahnar - Lơ̆m 6 khei blŭng sơ năm ‘nâu, Mặt trận rim tơ ring dêh char Dak Lak hlôi tơ lĕch jên vă jê̆ 10 ti hlak jên tơ gŭm bơ ngai dơ nuh hin. Kơ sô̆ jên âu yua vă tơ gŭm man, hơ met ming hnam tơ goăt tơ goăl, tơ gŭm jang sa, asong tơ mam têt, hơ met jĭ ăn bơ ngai dơ nuh hin... Kŭm hăm ‘noh, Anih jang dŏng tơ gŭm kơ dêh char hlôi pơ gơ̆r dŏng tơ gŭm, năm ngôi, tơ gŭm tơ tom ăn kơ dôm bơ ngai đei tơ drong arih sa mơ mat tat dêh hloh, dôm ŭnh hnam đei ‘mi kial pơ răm, ŭnh sa, glơ̆k kơ đak hăm kơ sô̆ jên hloh 500 triệu hlak jên.

Ming man păng hơ met hnam tơ goăt tơ goăl ăn bơ ngai dơ nuh hin

Jang hơ dai krao hơ vơn tơ gŭm jên mong băt bơ nê vă vei lăng ăn dôm ŭnh hnam teh đak tơ gŭm, ŭnh hnam đei kŏng hăm kach mang. Mặt trận tổ quốc rim tơ ring hlôi jang hơ dai hăm rim anih jang kơ pal kŭm hlôi krao hơ vơn rim kon jên tơ gŭm anih mong jên yua kơ bơ ngai dơ nuh hin, hơ tŏk jên mong tŏk hloh  24 ti 500 triê̆u hlak jên.

Thuem: Tơ blơ̆