Hăm hơnăn Sơnăm mơ lôh Dak Lak vang tơgŭm tơmơ̆t yua kơmăy kơmŏk kơ sô̆ lơ̆m pơ jing tơring tơrang ‘nao păng anih kơ drơ̆m hơgei, Tơdrong jang hơdruh tơdăm năm jang tơgŭm pơyan pơdơh he sơnăm ‘nâu đei Anih jang đoàn dêh char Dak Lak tơlĕch jang đơ̆ng khei 4 truh đĭ khei 10 hăm 5 tơdrong jang tih ‘noh jĭ: Tơgŭm pơyan pơ long, Pơyan he rơgoh, Pơkao kơ sing ƀrê, ‘Măng pơ dơh hồng păng năm pơm linh.

Tơ̆ lêh tơlĕch jang, Anih jang đoan dêh char păng dôm anih jang tơgŭm pơ jao asong dôm kon jên vă ming man hnam ‘mêm mơ nat, pơ jao jên tơiung jang sa, asong tơmam păng hŏk ƀŏng ăn hơioh păng dôm ŭnh hnam teh đak tơgŭm hăm akŏp kơ jă hloh 700 triệu hlak jên. Hơdai hăm ‘noh, tơ̆ 15 apŭng, thị xăh lơ̆m dêh char, dôm kơ dră đoan kŭm vang jang pơgơ̆r jang kiơ̆ lêh iung jang hăm 75 tơdrong jang hơdruh tơdăm. Akŏp kơ jă dôm tơdrong jang ‘noh hloh 2,1 ti hlak jên.