‘Nâu jĭ tơdrong tơm lơ̆m tơdrong jang Pơgar bơ̆n yoa Anih vei lăng kon pơlei dêh char thĭ xăh Buôn Hồ jang hơdoi hăm Anih jang tơgŭm tang găn pơngot, tơnuh păng Anih atŏk tơiung tơpôl, kĭ pơkăp jang hơdoi kơsơ̆ (9/2). Kiơ̆ tơdrong đei kĭ pơkăp, đơ̆ng dang ei truh đĭ khei 8/2024, tơdrong jang vă tơgŭm ăn kon pơlei tơ̆ 2 xăh Ea Drông păng Cư Bao, thĭ xăh Buôn Hồ, dêh char Dak Lak.

Dôm tơdrong đei tơgŭm ‘nŏh jĭ: pơm hơtŏk tơdrong choh jang xa ăn kon pơlei jang chŭn mir, mă loi jĭ drŏkăn bơngai kon kông vă đe sư đei tơdrong jang xa, arih xa sơđơ̆ng ‘lơ̆ng; pơm hơtŏk tơdrong gơ̆h tŏk iŏk jên păng vei lăng jên hu; tơgŭm, pơm hơtŏk tơdrong tĕch mơdro tơmam jang đei ăn unh hnam kon pơlei jang chŭn mir. Đơ̆ng nŏh tơgŭm ăn đe sư pơm hơtŏk tơdrong arih xa sơđơ̆ng ‘lơ̆ng.