Hlŏh 10 sơnăm tơlĕch jang kiơ̆ Khôi luơ̆t păng jang kiơ̆ Năr Khôi luơ̆t tơ̆ Đắk Lăk, ‘lơ̆ng jơnei bơ̆ jang pơjing, pơgơ̆r jang kiơ̆ khôi luơ̆t đei atŏk ‘lơ̆ng păng jơnei hơ iă, tơgop jang kiơ̆ jơnei tơdrong jang vei lăng sơđơ̆ng tĕh đak, sơđơ̆ng tơpôl.

Đơ̆ng blŭng sơnăm au truh dang ei, rim hơnĭh bơ̆ jang, kơdră chĕp pơgơ̆r tơring lơ̆m dêh char hơnơ̆ng dăr lăng, tơƀô̆h tơbăt rim tơdrong tơchơ̆t ‘nao vă hơmet ming, tơmơ̆t dơ̆ng tơtom, măkăl găh rim tơdrong: hơmet pơ ‘lơ̆ng bơ̆ jang pơm hla bơar, vei lăng groi tĕh, iung jang tơdrong bơ̆ jang. Atŭm hăm ‘nŏh, rim kang ƀô̆ đang viên, bơngai jang kăl pơm jŭk yŭk trong hơlau pơm kiơ̆ khôi luơ̆t. Ƀlep lơ̆m jơ ‘năr au, Dơnŏ anĭh vei lăng kon pơlei dêh char Đắk Lăk pôk bơnê ăn rim tơpôl, rim bơngai jang ‘lơ̆ng lơ̆m 10 sơnăm jang kiơ̆ Khôi luơ̆t Tơƀô̆h tơbăt, pơtho tơbăt khôi luơ̆t.