Hơdah, lơ̆m 9 khei kơ sơnăm 2023, tơdrong sơng, bơ̆ hla bar hanh chĭn lơ̆m anih po vei lăng kơ dêh char Đăk Lăk hlôi iŏk jang tơnăp, pă đei tơdrong klui âu to. Gah akŏm pơjing Jơnŭm jang điê̆n tưh, jơnŭm pơgơ̆r kơsô̆, dôm tơdrong pơtơ̆ng yua atŭm đei pơjing sơđơ̆ng.

Trong jang iGate hlôi hơlen pơkeh 694.611 hô sơ kiơ̆ tơchơ̆t Minh anih điê̆n tưh, hơlen pơkeh trŏ khei năr pơkăp truh 98,23%. Tơ̆ hop akŏm sơkơ̆t tơdrong jang pơ-‘lơ̆ng hanh chĭn 9 khei sơnăm 2023 pơgơ̆r ah pơgê năr 18/10, ƀok Nguyễn Tuấn Hà, Phŏ Kơdră Juăt jang kơ anih vei lăng kon pơlei dêh char Đăk Lăk, pơkăl dôm tơring sơkơ̆t mă trŏ tơdrong đei ƀôh păng hơlen băt tơdrong tơm kơlih kiơ minh ƀar tơdrong tơchơ̆t jang ưh đei keh đang dah mă hiong vă đơ̆ng noh chă trong pơm jang vă vei sơđơ̆ng sơnăm 2023 dêh char gô đei hơtŏk ah tăl dôm kơsô̆ pơ-‘lơ̆ng hanh chĭn.