Lơ̆m 6.000 ‘nu bơngai ba hla bơar athei ăn kon jên hiong tơdrong jang, đei 4.200 ‘nu bơngai jang bơ̆ jang tơ̆ rim dêh char anai,  1.800 ‘nu bơngai jang, jang lơ̆m dêh char. Hơnih au hlôi hơlen păng pơchoh trong ăn kơdră kơpal pơjing 5.700 tơdrong tơchơ̆t trong tơgŭm djru hiong tơdrong jang, hăm kon jên kla ăn 90 ti hlak jên.

Ƀok Nguyễn Văn Cường, Kơ iĕng Kơdră Hơnih jang Tơbăt tơdrong jang Đak Lăk tơbăt, hơnih au hlôi iung jang hơdoi hăm hơnih jang Ƀao hiêm tơpôl vă xek tơklang tơtom tơdrong tơnap tap, tơhlăk tơhlĭn lơ̆m jang kiơ̆ trong jang tơgŭm djru ƀao hiêm hiong tơdrong jang, sơđơ̆ng đei iŏk yua ăn bơngai jang. Atŭm hăm ‘noh, hơnih au hlôi tơbăt tơdrong jang,trong hok pơhrăm tơdrong jang ăn bơngai jang vă đe sư hrôih tơchă đei tơdrong jang trŏ lăp ăn kơ dih.