VOV4.Bahnar - Hăm tơdrong ư̆h kơ lê̆ bơngai bu ư̆h kơ đei Têt, đơ̆ng lơ hơnĭh tơgŭm ăn, lơ̆m khei năr Têt Nguyên Đán Nhâm Dần, Dơnŏ anĭh vei lăng Tơdrong jang dêh char Dak lăk ‘măn ăn 1 ti 200 trĭu hlak jên vă pôk tơmam drăm Têt ăn bơngai jang lơ̆m dêh char.

Kiơ̆ kơ ‘nŏh, Dơnŏ anĭh vei lăng Tơdrong jang dêh char Dak lăk hlôi chă hơvơn rim khul vang tơgŭm păng tơlĕch kon jên jang kơhơnĭh au vă pôk ăn 3.500 “Kơdŭng erĭh sa sơđơ̆ng kŏng đoàn” păng 500 tơnô̆ tơmam drăm Têt ăn rim bơngai jang. Akŏp kon jên 1 ti 200 trĭu hlak jên. ‘Ngoăih kơ ‘nŏh, rim hơnĭh Kŏng đoàn lơ̆m dêh char oei pơgơ̆r năm ngôi, pôk tơmam drăm, hơlêm, hmach Têt ăn rim bơngai jang ŭnh hnam tơnap tap, jĭ jăn dăh mă đei ƀơm kơnê̆ đơ̆ng jĭ hơbuh Covid-19.

Tơblơ̆ nơ̆r: Amazưt