Kiơ̆ kơ noh, dêh char Đăk Lăk tơchơ̆t ‘măn jên vă năm hơpong păng asong tơmam ăn dôm anih jang, bơngai jang lơ̆m Têt Nguyên đan Giáp Thìn sơnăm 2024 noh hloh 77 tih hlj. Ƀơ̆t ‘măng âu jơnŭm pơgơ̆r dêh char Đăk Lăk gô akŏm khul năm hơpong, asong 51 tơpu tơmam ăn bơngai đei kŏng păng minh ƀar Anih jang tơpôl, Kŏng an, Kơđông linh vei sơlam teh păng Anih pơgơ̆r linh dêh char.

Atŭm hăm noh, Anih jang Măt trâ̆n tôh kuôk dêh char, Anih jang ‘Long pơglang brê dêh char Đăk Lăk adoi tơlĕch hơvơn jên mong vă chă hơpong, asong tơmam hăm dôm unh hnam hin dơnuh, unh hnam đei tơdrong hơrih tơnap tap păng dôm bơngai mă teh đak tơchơ̆t tơgŭm tơ̆ tơring hơtaih yaih, kon pơlei kon kông vă rim kon pơlei adoi gơh sơng Têt chơt hơ-iă tơnŏ.