Đak Lăk: Mong lơ tơmam ‘măn tĕch ah khei Têt
Thứ năm, 13:07, 14/12/2023
VOV/Lan tơblơ\
VOV/Lan tơblơ\
VOV4.Bahnar – Vă vei sơđơ̆ng tơdrong asong, tĕch răt đơ̆ng kon pơlei tơ̆ tơring, Anih jang vei lăng kon pơlei dêh char Đăk Lăk tơlĕch tơdrong sơđơ̆ng kơjă dôm tơmam drăm kăl tĕch răt ah hơtuch sơnăm 2023 păng Têt Nguyên đan Giáp Thìn 2024.
Khei năr sơđơ̆ng kơjă đơ̆ng năr 1/12/2023 - 29/2/2024. Dôm tơmam drăm kăl sơđơ̆ng kơjă noh: Tơmam drăm xa ( ‘nhĕm nhŭng, ‘nhĕm iĕr bip, kơtăp iĕr bip, rơmă, sĭik, ƀôk ngok păng ‘nhot plei ‘long xa), đak săng đak dâu.
‘Nâu jing dôm tơmam drăm kăl yua lơ păng kơjă tĕch ưh đei sơđơ̆ng. Dêh char Đak Lăk hlôi hơvơn 11 anih jang mŭk drăm, siu thĭ, anih tĕch vang jang sơđơ̆ng kơjă tĕch ah hơtuch sơnăm 2023 păng Têt Nguyên đan Giáp Thìn 2024. Kơchĕng kơsô̆ jên yua vă mong tơmam drăm ah Têt noh hloh 473 tih hlj, asong đei jê̆ 27% tơdrong kăl yua tơmam drăm kơ kon pơlei mưh tơmam drăm ưh kơ mah.
Viết bình luận