Tơchĕng hơdrol dôm năr truh gô đei 25 rơbâu tơpu tơmam, akŏp kơjă 17,5 ti hlak jên truh hăm dôm kon pơlei đei tơdrong arih sa mơmat tat lơ̆m dêh char. Tơdrong jang hlôi pơjao 33 tơpu tơmam păng 300 kơ phiê̆u năm kơ chơ ưh kơ hoach jên, akŏp kơjă hloh 233 triệu hlak jên ăn kon pơlei đei tơdrong arih sa mơmat tat lơ̆m apŭng Cư Kuin.

Dôm tơmam ưh kơ hoach jên ‘noh đei ƀĕng chư̆ng, ƀĕng keo, tơmam yua kăl (đak kho, đak măm, xì dầu, sĭk, ƀoh ngot, mi tôm, phe). ‘Ngoăih kơ 3 tơdrong jang pơlong lăng tơ̆ dôm apŭng Cư Kuin, Cư Mgar păng Ea Kar yua đơ̆ng Jơnŭm ‘long pơ glang ƀrê dêh char jang hơdai hăm khŭl kơdră tơring pơgơ̆r, dôm tơring uơ oei dơ̆ng gô rơih trong jang pơgơ̆r mă lăp hăm tơdrong hiôk kơ tơring kơdih.