Dak Lak: Pơjao hloh 600 kơ suơ̆t hŏng ƀŏng ăn kơ hŏk tro dơnuh hin pơnam kơhŏk
Thứ sáu, 14:27, 29/09/2023
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Kơsơ̆ 28/9, Viettel Dak Lak jang hơdai hăm Anih vei lăng pơtho pơhrăm, Khŭl pơtrŭt hŏk dêh char Dak Lak pơgơ̆r tơdrong jang pơjao hŏk ƀŏng “Yua kơ oh pơnam hŏk” sơnăm hŏk 2023-2024.
Hŏk ƀŏng đơ̆ng tơdrong jang hlôi đei pơjao ăn kơ 610 oh hŏk tro tơ̆ 61 xăh găh 11 apŭng lơ̆m dêh char Dak Lak, 1 kơ suơ̆t 2 triệu hlak jên, akŏp jên hŏk ƀŏng ‘noh 1 ti 220 triệu hlak jên.
Kiơ̆ kơ ƀok Phạm Đăng Khoa, Kơdră Anih vei lăng pơtho pơhrăm dêh char Dak Lak, tơdrong jang hŏk ƀŏng “Yua kơ oh pơnam hŏk” đei Vietttel Dak Lak pơjao ăn kơ hŏk tro Dak Lak đơ̆ng sơnăm 2014. Hloh 9 sơnăm hlôi đei 4.380 kơ suơ̆t đei pơjao, akŏp jên 5 ti 600 triệu hlak jên. Dôm kơ suơ̆t hŏk ƀŏng hlôi tơgop rơbâu hŏk tro mơmat tat pơnam hŏk tơ̆ Dak Lak pơm kiơ̆ ‘lơ̆ng đon hơpơi truh tơ̆ hnam trưng hŏk.
Viết bình luận