Tơlĕch jang tơdrong jang “Jang hơdai rong pơbe - Tơplih ‘lơ̆ng tơdrong jang sa”, Khŭl drŏ kăn mơdro sa dêh char Đắk Lắk jang hơdai hăm Khŭl drŏ kăn mơdro sa Việt Nam pơjao asong 100 tŏ pơbe yŏng ăn kơ drŏ kăn bơngai kon kông tơ̆ Đắk Lắk. Tơdrong jang bơ̆jang kiơ̆ pơm 3 ‘măng, pơjao 100 pơbe yŏng asong ăn kơ 30 ŭnh hnam bơngai kon kông tơ̆ dôm pơlei tơ̆ dêh char Đắk Lắk.

Tơdrong jang gô tơgŭm jên kiơ̆ trong pơlơh băl ăn kơ dôm ŭnh hnam đei rơih iŏk, đei tơdrong pơkăp đơ̆ng 3 pang, ‘noh Khŭl drŏ kăn mơdro sa dêh char Đắk Lắk, ŭnh hnam păng khŭl jang hơdai drŏ kăn tơring. Mĭnh ŭnh hnam gô iŏk 3 tŏ pơbe yŏng. Grŭp đơ̆ng 3 truh 5 ŭnh hnam jê̆ hnam gô asong dơ̆ng 1 pôm pơbe tơno. Khei ‘năr hơgăt 1 ‘măng rong tơgŭm ‘noh 2 sơnăm, lơ̆m noh dôm pang ƀơm truh gô kiơ̆ hơlen tơgŭm rim ŭnh hnam rong pơbe, hơlen lăng tơdrong ‘lơ̆ng, tơdăh ưh kơ hơtŏk iŏk yua ‘noh gô tơplih pơbe ăn ŭnh hnam nai rong.