Kiơ̆ kơ Khŭl drŏ kăn dêh char Đắk Lắk, lơ̆m dôm sơnăm âu ki, drŏ kăn kră tơ̆ dêh char ling lang hơdrin vang jang dôm tơdrong jang, tơdrong krao hơvơn “Bơngai kră pơjei băl jang mŭk drăm hơgei”; Pơjing ŭnh hnam “5 ưh, 3 rơgoh” tơklep hăm “Pơjing ŭnh hnam hơrih sa ‘lơ̆ng hơiă, gơh hơgei”....

Rim kơdră khŭl đei lơ tơdrong jang ‘măn hơdrô̆ ăn kơ drŏ kăn kră, vă vei lăng păng hơtŏk hơnăp jang đơ̆ng drŏ kăn kră lơ̆m ŭnh hnam păng tơpôl; sơng đei bơngai kră vang jang. Tơ̆ hop akŏm, dôm bơngai tang măt hlôi vang pơma dơnuh, tơroi trong jang hơiă, đei yua lơ̆m jang hơdai tơlĕch jang tơdrong krao hơvơn pơjing ŭnh hnam 5 ưh 3 rơgoh tơklep hăm tơdrong jang “Sơnăm kră jang ‘lơ̆ng” păng pơjing tơring tơrang ‘nao tơ̆ dôm tơring kon pơlei oei. ‘Măng âu, khŭl pơgơ̆r hlôi pôk pơ ư, pôk hơpăh 30 ‘nu drŏ kăn kră đei jang ‘lơ̆ng, hơgei lơ̆m rim tơdrong jang.