Kiơ̆ Công ty jang unh điên Đắk Lắk, dôm khei blŭng sơnăm 2024 tơdrong ‘mĕh vă yoa unh điên tơ̆ dêh char tŏk lơ ƀiơ̆ sơnăm sơ̆. Mă hơdăh, lơ̆m khei 2 tơdrong ‘mĕh vă yoa unh điên tŏk 30% pơting hăm sơnăm 2023. Dôm năr blŭng khei 3 pơtruh unh điên đei 510MW păng gô tŏk truh 550MW lơ̆m dôm năr truh.

Băt hơdăh tơdrong ‘nâu, đơ̆ng blŭng pơyan phang, Công ty pơtho ăn dôm anih jang unh điên găh sư vei lăng mă ‘lơ̆ng, pơtruh unh điên mă lăp vă huei ƀơm ưh ‘lơ̆ng truh tơlei, kơmăy ƀiên ap, aptomat… vă vei lăng ‘lơ̆ng kơmăy kơmŏk; hơnơ̆ng dăr lăng tơlei unh điên păng kơmăy ƀiên ap, pơtŏ hơlen hơyuh tŏ ƀât dôm anih chô̆ tơtrơp, mă loi jĭ dôm kơmăy pơtruh unh điên vă tơtom chă ƀôh tơdrong ưh sơđơ̆ng păng tơtom hơmet pơ ‘lơ̆ng.

Ƀok Trần Tấn Phùng, Phŏ Kơdră chĕp kơ̆l Công ty jang unh điên Đắk Lắk ăn tơbăt, anih jang hlôi hơmet hiă lơ trong jang mưh tơdrong ‘mĕh vă yoa unh điên tŏk hlŏh tơdrong, đei trong jang ‘lơ̆ng hlŏh vă pơtruh măh mai unh điên ăn tơdrong jang xa păng arih xa.