VOV4.Bahnar - Lơ̆m 2 năr (14/5-16/1), tơ̆ plt Buôn Ma Thuột, Anih jang đoan dêh char Dak Lak jang hơ doi hăm Công ty PNJ tơ̆ Tây Nguyên - Pơ băh Tơ ring Tŏk bŏk păng Khul tĕch mơ dro oei mơ lôh pơ gơ̆r Siêu thĭ mini Têt tĕch tơ mam ưh iŏk jên vă tơ gŭm tơ mam yoa kăl ăn kon pơ lei mơ mat tat ƀơm kơ nê̆ đơ̆ng jĭ Covid-19 ƀlep ƀât têt Nguyên Đán Nhâm Dần.

Kon pơ lei gơ̆h chă rơih răt dôm tơ mam mă kơ dih kâu kăl

Tơ̆ siêu thị đei hlŏh 40 tơ mam ‘nŏh đei sĭk, phe, kơ tăp iĕr, đak kho, đak măm, ƀôt ngok, ƀĕng, keo, đak ‘ngam păng 1,2 tơ mam yoa kăl nai hai. Rim tơ mam đei pơ klĕm kơ jă tôch hơ dăh, bơ ngai răt iŏk yoa “Vĕ ‘mêm mơ nat” vă răt iŏk dôm tơ mam kơ dih kâu kăl. ‘Ngoăih kơ phĭu răt tơ mam, kon pơ lei truh tơ̆ siêu thị oei vang akŏm lơ̆m dôm tơ drong ngôi pơ chơt têt păng iŏk đei lơ tơ mam hơ păh hai. Đe đoàn viên druh dăm găh Anih jang đoan dêh char păng dôm anih tơ gŭm oei pơ gơ̆r pơm hlŏh 200 tŏ têt ăn bơ ngai mơ mat tat, bơ ngai ưh đei hnam oei tơ̆ plt Buôn Ma Thuột. 

Dơ̆ng: Tơ blơ̆