Lơ nơ̆r tơgop ƀơm truh dôm tơdrong găh chĕng hơmet teh, trong jang tơgŭm hrŭ ‘mong tơgŭm ăn oei tơ̆ plei hle, tơdrong hơmet ‘lơ̆ng teh đei đơ̆ng choh jang sa, mir đak lar đei tơroi ăn. Ƀok Võ Tấn Tài, Jơnŭm dôm anih jang tơbôl dêh char Dak Lak akhan, dôm tơdrong hơgăt tơplih ‘nao lơ̆m Luơ̆t teh (hơmet ming) gô pơm đei tơdrong drơ̆ng nơ̆r, hrơ̆ch 1 ‘măng vei sơđơ̆ng tơdrong đei yua lơ̆m chĕng hơmet tet, tơlĕch trong jang iŏk yua teh.

Hơdrô̆ hăm tơring Tây Nguyên, tơring teh đei lơ kon pơlei kon kông arih sa, chĕng hơmet teh kăl athei vei sơđơ̆ng mă lăp hăm tơdrong arih sa kơ kon pơlei lơ̆m tơdrong mŭk drăm tĕch mơdro. Tơgop nơ̆r găh trong jang tơgŭm, hrŭ ‘mong, tơgŭm ăn oei tơ̆ plei hle, dôm bơngai tang măt akhan hla ar chih pơ jing kăl kơ pơm hơdăh hloh dôm tơdrong hơgăt lơ̆m tơdrong hrŭ ‘mong, tơgŭm ăn oei tơ̆ plei hle đơ̆ng rŏng kơ teh đak iŏk pơ dreo teh “ vei sơđơ̆ng tơdrong arih dang ăi dăh mă ‘lơ̆ng ƀiơ̆ kơ hơnih so”.