Kiơ̆ kơ ƀok Y Biêr Niê, Phŏ Bí thư Anih jang Đảng dêh char, Kơdră Anih pơgơ̆r jang 1017 dêh char Dak Lak, pơtôch dăr hơlen ‘nao hloh, lơ̆m dêh char oei đei hoh 11.300 ŭnh hnam dơnuh hin păng vă jê̆ dơnuh hin tam mă đei iŏk tơdrong tơgŭm Têt đơ̆ng khŭl kơ dră rim tơring.

Tơdrong tơm ‘noh yua đơ̆ng tơdrong hơgăt dơnuh hin, vă jê̆ dơnuh hin tơplih kơna kơsô̆ ŭnh hnam dơnuh hin, vă jê̆ dơnuh hin kơ dêh char tŏk lơ hloh sơnăm hơdrol, ƀơ̆t mă jên jang ưh kơ đei tơplih. Vă vei sơđơ̆ng ưh kơ đei bu đei hŭt lê̆ tơ̆ rŏng lơ̆m năr Têt Quý Mão 2023, Anih jang Đảng dêh char Dak Lak hlôi drơ̆ng nơ̆r tơlĕch dơ̆ng jên jang uơ oei dơ̆ng hloh 600 triệu hlak jên ăn kơ dôm apŭng mơmat tat vă tơgŭm dôm ŭnh hnam dơnuh hin, vă jê̆ dơnuh hin. Hơdai hăm athei rim tơring, anih jang hơtŏk loi dơ̆ng tơdrong jang hơvơn tơpôl vang tơgŭm.