Ƀok Kơdră vei lăng pơtho pơhrăm Nguyễn Kim Sơn athei: Anih pơtho pơhrăm dêh char Dak Lak hơnơ̆ng tơplih ‘nao tơdrong vă pơtho, hŏk pơhrăm, hơtŏk tơdrong ‘lơ̆ng ăn khul pơtho vă pơm lăp hăm tơdrong pơtho hŏk phô thŏng sơnăm 2018, akŏm đei khul tơpôl vang bơ̆ jang hăm anih pơtho pơhrăm tơ̆ tơring ƀât mă oei đei lơ tơdrong pơmat tat nhen hrei ‘nâu, bơ̆ jang tơdrong tơpôl hŏk pơhrăm vă hơtŏk đon hlôh vao ăn kon pơlei.

Lơ̆m nŏh, dêh char Dak Lak athei tơrĕk hlŏh dơ̆ng truh tơ̆ kon hơ ‘lơ̆p bơngai kon kông, hơtŏk tơdrong pơtho pơhrăm ăn kon kông, pơjing tơdrong hơtŏ băl lơ̆m tơdrong pơtho hŏk pơhrăm. Hrei ‘nâu đei lơ tơdrong tơgŭm ăn kon hơ ‘lơ̆p bơngai kon kông năm hŏk, Tơring athei pơm hơtŏk tơdrong hlôh vao nơ̆r yoăn ăn kon hơ ‘lơ̆p bơngai kon kông.