VOV4.Bahnar - Anih mong jên tơ gŭm tơ pôl dêh char Dak Lak tŏk bŏk tŭn hrĕnh tơ drong tơ lĕch jên, hơ nhăk jên asong tŏk iŏk tơ gŭm găh tơ iung mong păng hơ tŏk tơ iung mŭk drăm kiơ̆ tơ chơ̆t kơ sô̆ 11 ‘năr 30/01/2022 đơ̆ng Khŭl kơ dră teh đak. Dak Lak hlôi đei pơ jao 259 ti 200 triệu hlak jên hơ găt tơ lĕch jang asong tŏk iŏk jên dôm tơ drong jang ăn tŏk iŏk tơ gŭm kiơ̆ tơ drong tơ chơ̆t kơ sô̆ 11 đơ̆ng Khŭl kơ dră teh đak.

Kang ƀô̆ Anih mong jên tơ gŭm tơ pôl dêh char Dak Lak hơ len lăng tơ drong iŏk yua jên

Lơ̆m noh, 254 ti 400 triệu hlak jên gô đei ăn tŏk iŏk vă jang kiơ̆ tơ drong jang tơm kơ teh đak găh hơ tŏk tơ iung mŭk drăm - tơ pôl tơ ring kon kông păng tơ ring groi kông jăl jang 1 đơ̆ng sơ năm 2021 truh 2025. Hơ drol ‘noh, Trung ương kŭm hlôi klăih song ăn kơ Dak Lak hloh 71 ti hlak jên vă tơ lĕch jang 3 lơ̆m kơ sô̆ 5 tơ drong jang ăn tŏk iŏk tơ gŭm kiơ̆ tơ drong tơ chơ̆t 11. Lơ̆m noh ăn tŏk iŏk tơ gŭm pơm tơ drong jang, pơ vei păng pơ̆ih să tơ drong jang 50 ti hlak jên; ăn tŏk iŏk hnam oei tơ pôl 20 ti hlak jên; păng ăn tŏk iŏk ăn hŏk tro, sinh viên đei tơ drong arih sa mơ mat tat vă răt kơ măy vi tĭnh, tơ mam pơ yua ăn hŏk pơ hrăm trực tuyến 1 ti 100 triệu hlak jên.

Thuem: Tơ blơ̆