Dang ei, Anih pơgơ̆r pơlong tốt nghiệp jăl 3 sơnăm 2024 dêh char Đắk Lắk hlôi pơjing 5 khŭl hăm 20 ‘nu bơngai, tŏk bŏk hơlen lăng tơdrong jang hơmet ăn ‘Măng pơlong đơ̆ng Anih pơgơ̆r pơlong tơ̆ apŭng păng 33 hơnih pơlong tơpă lơ̆m dêh char.

Khŭl hơlen lăng kŭm sơng iŏk dôm nơ̆r tơgop, apĭnh đơ̆ng tơring, hnam trưng hŏk hơnih iŏk hơnih pơlong găh dôm tơdrong mơmat tat lơ̆m kơplăh hơmet ăn ‘Măng pơlong; tơl nơ̆r apĭnh tơhlăk tơhlĭn ƀơm truh trong jang tang găn pơgơ̆m pơlong tơ̆ hơnih pơlong; vei sơđơ̆ng đĭ đăng jum dăr hơnih pơlong vă ‘măng pơlong gơ̆r sơđơ̆ng, tơpăt, ƀlep tơdrong hơgăt. Kiơ̆ kơ ƀok Phạm Đăng Khoa, Kơdră Anih vei lăng găh pơtho pơhrăm dêh char Đắk Lắk, tơdrong hơlen lăng ăn ƀôh, dôm anih jang hlôi tơpăt, jang tơnăp, vei sơđơ̆ng dôm tơdrong jang kiơ̆ tơdrong.