‘Nâu jing anih hơdăh hloh lơ̆m tơdrong tơroi găh tơdrong jang, đei tơlĕch ăh Hopa kŏm xơkơ̆t tơdrong jang âu, kơyươ Anih Axong jang Linh jĭ rơka păng Tơpôl dêh char Đăk Lăk pơgơ̆r ăh kơsơ̆ năr 16/12. 

Kiơ̆ kơtơ̆ng ang đơ̆ng Hop akŏm, xơnăm 2022, jâ̆p dêh char hlôi xek axong tơdrong jang ăn pơhlom 41.250 ‘nu, hơtŏ 103,12% pơtêng hăm pơkăp jang păng 1.472 ‘nu năm jang tơ̆ teh đak đe, hơtŏ 106% pơkăp jang kơ xơnăm. Kơsô̆ bơngai năm jang tơ̆ teh đak kiơ̆ hla bar pơkăp jăl xơnăm 2018-2022 noh 5.372 ‘nu. Ƀok Nguyễn Văn Cường, Phŏ Kơdră Anih Axong tơdrong jang dêh char Đăk Lăk ăn tơbăt, mă oei ƀơm răm kơyươ đơ̆ng pơrang jĭ Covid-19, dêh char hlôi pơih đei hloh 80 ‘Măng pơma dơnuh tơroi axong tơdrong jang, jing xơnăm đei lơ ‘Măng akŏm pơma dơnuh tơroi tơdrong jang hloh đơ̆ng xơ̆ truh dangei.