VOV4.Bahnar - Lơ̆m 5 khei blŭng sơnăm 2022, tơ̆ dêh char Dak Nông hlôi ƀô̆h păng hơmet pơ ‘lơ̆ng 434 ‘măng pơm glăi iŏk yua ŭnh hơyŭh, lơ̆m au đei 9 ‘măng tơtông iŏk ŭnh hơyŭh. Akŏp kon jên iŏk tơvĭh, hrŭ ăn vă jê̆ 250 trĭu hlak jên.

Kang ƀô̆ jang ŭnh hơyŭh năm dăr lăng tơdrong iŏk yua ŭnh hơyŭh

Dang ei rim hơnĭh jang kmăi ŭnh hơyŭh tơ̆ Dak Nông tŏk bŏk hơnơ̆ng atŏk kơtang jang hơdoi hăm rim hơnĭh bơ̆ jang kơpal atŏk kơtang jang jơnei lơ̆m bơ̆ jang dăr lăng tơdrong iŏk yua ŭnh hơyŭh. Hơnĭh jang ŭnh hơyŭh vei kơ jăp tơdrong dăr lăng hơlen rim phần mềm điện tử, tơtom đei ƀô̆h jơ ŭnh hơyŭh dăr rĕnh vă tơgŭm ăn bơngai iŏk yua ŭnh hơyŭh băt hơdăh tơdrong kiơ pơm ăn. Hlŏh đơ̆ng nŏh hlôi pơgơ̆r tơ ƀơ̆p, tơblang hơdăh vă kon pơlei ƀô̆h hơdăh kơ yuơ iŏk yua unh hơyŭh lơ, tĕnh koăng hơmet ming pơ ‘lơ̆ng tơdrong đei răm tơdăh đei, sơđơ̆ng ăn iŏk yua ŭnh hơyŭh ‘lơ̆ng hơ iă, pơkom păng jơnei.

Tơblơ̆ nơ̆r: Amazưt