VOV4.Bahnar - Anih vei lăng kon pơ lei dêh char Dak Nông hlôi đei tơ chơ̆t tơ lĕch hloh 35 ti hlak jên năm ngôi, asong tơ mam, pơ lung rim khŭl jang păng vei lăng ăn bơ ngai dơ nuh hin, dôm bơ ngai mơ mat tat lơ̆m năr Têt Nguyên đán Nhâm Dần 2022. Sơ năm ‘nâu, ‘ngoăih kơ dôm ŭnh hnam teh đak tơ gŭm, bơ ngai đei kŏng hăm kach mang, rim anih jang khŭl linh, dêh char Dak Nông pơ̆ih să bơ ngai pơ jao asong tơ mam Têt truh đĭ đăng rim hnam pơ gang tơ ring, dôm hơ nih răp găn tang găn jĭ covid-19, rim khŭl linh tơ̆ hơ nih tang găn jĭ hơ buh, păng dôm anih jang bơ̆ jang vei lăng bri tơ̆ tơ ring.

Khŭl tang măt Kuôk hô̆i dêh char Dak Nông asong tơ mam Têt ăn hơ ioh mơ mat tat

Dêh char kŭm ‘măn asong 1 pơ lei bơ ngai kon kông 6 triệu hlak jên vă pơ gơ̆r ăn kon pơ lei chơt hơ iă sa têt tơ pôl. Kŭm hăm jên jang teh đak, Dak Nông hlôi hơ vơn lơ jên tơ gŭm kon pơ lei đei tơ drong hiôk sa Têt, hăm trong jang kăl ưh kơ lê̆ ŭnh hnam hơ yơ kơ ƀăh pơ ngot lơ̆m năr sơng pơ yan puih mak ‘nao. Dêh char kŭm athei Khŭl kơ dră teh đak tơ lĕch asong 950 tấn phe tơ gŭm ăn bơ ngai dơ nuh hin.

Thuem: Tơ blơ̆