Kiơ̆ đơ̆ng Sở Nội vụ dêh char Dak Nông, sơnăm hŏk 2023-2024 lơm dêh char ưh kơmăh 1021 ‘nu ƀok thây kô pơtho, lơ̆m au, găh mâm non ưh kơmăh 235 ‘nu kô pơtho, jăl kơđeh 324 ‘nu ƀok thây kô, jăl ƀar ưh kơ măh 260 ‘nu păng Jăl pêng ưh kơmăh 202 ‘nu.

Tơdrong ưh kơmăh ƀok thây kô pơtho hlôi pơm kơnê̆ kơtang truh tơdrong pơtho păng hŏk, mă kăl tơ̆ tơring atăih yăih, tơring kon kông. Vă hơmet pơ ‘lơ̆ng tơdrong au, Hơnih vei lăng kon pơlei dêh char Dak Nông ‘nao pơtruh ăn Jơnŭm vei lăng kon pơlei dêh char lăng hơlen pơdrơ̆ng kiơ̆ kĭ tơchơ̆t 622 hla bơar pơkăp tơmơ̆t jang ƀok thây kô pơtho, khei ‘năr pơkăp ăn jang lơ̆m 12 khei. Yă Nguyễn Thị Thu Hường, Kơdră chĕp pơgơ̆r Sở Nội vụ dêh char Dak Nông tơbăt, mă đơ̆ng ưh kơmăh hloh 1.000 ‘nu ƀok thây kô mă lei lăp pơchoh trong ăn kĭ pơkăp tơmơt đei 622 ‘nu ƀok thây kô pơtho ‘noh jang kiơ̆ Tơdrong tơchơ̆t 111 sơnăm 2022 đơ̆ng Khul kơdră Teh đak. Găh đunh đai, dêh char gô hơnơ̆ng apinh Trung ương ăn asong tơmơ̆t bơngai jang găh hơnih pơtho pơhrăm tơring dơ̆ng, sơđơ̆ng măt bơngai kiơ̆ tơdrong pơkăp.