Vă kơchăng hơmet pơ ‘lơ̆ng dôm tơdrong krê hơmơt đei ƀôh đơ̆ng tơring, ‘năr 15/11/2013, Anih jang Đảng dêh char Dak Nông hlôi tơlĕch tơdrong jang 05 găh pơjing khŭl jang tơm lơ̆m tơring kon pơlei kon kông. Tơdrong jang vă sơkơ̆t hơdăh khŭl jang tơm ‘noh jĭ dôm bơngai đei hơnăp jang gĭt kăl hăm khŭl jang chĭnh trĭ, tơpôl.

Lơ tơdrong pơma ưh kơ lăp băl, tơ găr băl đei sek tơlang pơ ‘lơ̆ng hloi đơ̆ng tơring gơnang đơ̆ng tơdrong jang ‘nâu. Hơdai hăm, dôm bơngai jang âu hlôi hơdrin vang jang pơjing dôm tơdrong jang pơjei băl ‘mêm kơ teh đak, dôm tơdrong krao hơvơn tơ̆ tơring nhen đĭ đăng kon pơlei 1 jơhngơ̆m đon pơjing tơring tơrang ‘nao, tơjur dơnuh hin kơjăp. Tơ̆ hop akŏm pơtôch 10 sơnăm găh pơjing khŭl jang tơm, Anih jang Đảng dêh char Dak Nông hlôi pôk pơ ư 250 ‘nu bơngai jang ‘lơ̆ng.