Jơ pơm lêh pôk pơ ư đei 33 'nu hŏk tro găh dêh char Đắk Nông păng 6 'nu hŏk tro găh dêh char Monđulkiri (teh đak Campuchia), hŏk gơ̆h hơgei lơ̆m sơnăm hŏk 2023-2024. 'Nâu jĭ dôm hŏk tro tŏk bŏk đei Ƀô đô̆i vei lăng tơring sơlam Đắk Nông tơgŭm sŏng xa kiơ̆ dôm tơdrong jang “Chông ba oh năm hŏk”, “Kon rong Kơđông linh vei lăng tơring sơlam”, tơdrong jang “Kăn ƀô̆, linh chông ba oh năm hŏk” păng trong jang “Mĕ hơđơ̆ng”.

Dôm tơdrong jang vang tơgŭm ăn hŏk tro tơ̆ tơring sơlam đơ̆ng Ƀô đô̆i vei lăng tơring sơlam dêh char Đắk Nông đei tơlĕch jang đơ̆ng sơnăm 2016. Truh dang ei, hlôi tơgŭm ăn vă jê̆ 300 'nu mon hŏk tro tơ̆ dêh char Đắk Nông păng 12 'nu mon hŏk tro tơ̆ dêh char Monđulkiri (Teh đak Campuchia) hăm kơsô̆ jên hlŏh 6 ti.