VOV4.Bahnar - Anih vei lăng găh hơ drĕch kon kông, Jơ nŭm pơ gơ̆r  kon pơ lei dêh char Dak Nông ‘nao pơ gơ̆r hơ len lăng găh tơ drong arih sa kơ kon pơ lei kon kông hlôi klăih đơ̆ng dơ nuh hin lơ̆m dêh char jăl jang  2019-2021. Kiơ̆ lơ̆m hơ len lăng yan âu, Jơ nŭm pơ gơ̆r kon pơ lei dêh char Dak Nông athei Anih vei lăng kon pơ lei dêh char athei rim anih jang, tơ ring jang hơ dai kơ jăp, hrơ̆ch 1 ‘măng păng tơ lĕch jang tôm dôm trong jang tơ gŭm hơ tŏk tơ iung mŭk drăm - tơ pôl, sut pơ ngot tơ jur dơ nuh hin đơ̆ng teh đak; lăng kăl tơ klep hơ dai dôm trong jang tơ gŭm vă hơ tŏk dơ̆ng đei iŏk yua. Hơ dai hăm ‘noh, pơ gơ̆r tơ chĕng hơ len, jang tơ gŭm dôm trong jang tơ gŭm hơ drô̆ ăn ŭnh hnam dơ nuh hin ‘noh jĭ bơ ngai kon kông. Dang ei lơ̆m dêh char đei vă jê̆ 18.300 ŭnh hnam dơ nuh hin, đei hloh 11% akŏp kơ sô̆ ŭnh hnam kon pơ lei. Lơ̆m noh, ŭnh hnam dơ nuh hin ‘noh bơ ngai kon kông vă jê̆ 12.800 ŭnh hnam, đei vă jê̆ 28% akŏp kơ sô̆ ŭnh hnam bơ ngai kon kông.

Thuem: Tơ blơ̆