VOV4.Bahnar - Hơ met ăn ‘măng pơ long tốt nghiệp jăl 3 sơ năm ‘nâu, dêh char Dak Nông hơ nơ̆ng bơ̆ jang kiơ̆ trong jang tơ gŭm jên măt ăn đe oh hŏk tro đei tơ drong arih sa mơ mat tat, hŏk tro bơ ngai kon kông sơ đơ̆ng jơ hngơ̆m vang pơ long. ‘Măng pơ long âu, dêh char Dak Nông đei hloh 6.870 ‘nu hŏk tro chih măt vang pơ long, lơ̆m noh đei hloh 1.580 ‘nu hŏk tro bơ ngai kon kông.

Pơ gơ̆r ôn ƀai vă hŏk tro pơ long đei điêm lơ hloh

Dang ei dôm hnam trưng hŏk lơ̆m dêh char tŏk bŏk hơ nơ̆ng pơ gơ̆r ôn ƀai vă hŏk tro pơ long đei điêm lơ hloh. Ƀok Phan Thanh Hải, Phŏ Kơ dră Anih vei lăng găh pơ tho pơ hrăm dêh char Dak Nông, tơ băt, sơ năm ‘nâu, dêh char hơ nơ̆ng jang kiơ̆ trong jang tơ gŭm jên hloh 300.000 hlak jên ăn 1 ‘nu hŏk tro đei tơ drong arih sa mơ mat tat, hŏk tro bơ ngai kon kông, tơ gŭm đe oh sơ đơ̆ng jơ hngơ̆m vang pơ long.

Thuem: Tơ blơ̆