VOV4.Bahnar - Tơ̆ tơ drong Tơ chơ̆t 08 tơ lĕch ăn ‘năr 28/3, Khŭl kơ dră teh đak tơ chơ̆t tơ gŭm 1 ‘nu 500.000 hlak jên 1 khei, khei ‘năr tơ gŭm tôch ai 3 khei hăm bơ ngai jang lơ̆m anih jang mơ dro sa tơ̆ hơ nih jang kơ măy kơ mŏk, hơ nih pơm tơ lĕch dăh mă hơ nih jang mŭk drăm tơm tŏk bŏk oei thuê, oei pơ gia đơ̆ng ‘năr 1/2 trih ‘năr 30/6. Ƀok Vũ Trọng Bình, Kơ dră Anih vei lăng tơ drong jang ( Anih tơm vei lăng găh bơ ngai jang, lĭnh jĭ rơ ka păng tơ pôl) tơ roi: bơ ngai jang hơ yơ tŏk bŏk bơ̆ jang lơ̆m dôm anih jang mơ dro sa, anih tĕch mơ dro, pơm tơ lĕch păng đei kĭ hla ar jang đơ̆ng 1 khei tơ̆ kơ pal, hơ dai hăm tŏk bŏk oei pơ gia, gô đei sa yua đơ̆ng jên âu, ưh kơ lăng ‘noh pơm hla ar jang pơ long lăng dăh mă tơ pă. Kŭm kiơ̆ kơ ƀok Bình, tơ chĕng hơ drol, jên tơ gŭm kiơ̆ Tơ drong tơ chơ̆t 08 đơ̆ng Khŭl kơ dră teh đak găh tơ gŭm jên thuê hnam ăn bơ ngai jang truh dang 3 triệu 1 puăt ‘nu bơ ngai hăm akŏp kơ sô̆ jên đei tơ lĕch ‘noh 6.600 ti hlak jên.

Thuem: Tơ blơ̆