Tơdrong jang chô̆ hơmet unh điên măt ‘năr tơ̆ trong tih kơ jung 1km tơ̆ plei R'Cập, xăh Nâm Nung (apŭng Krông Nô), akŏm đĭ đăng đei kơjă 125 triu hlak jên yoa Trung ương Đoàn păng dôm anih tĕch mơdro tơgŭm.

Tơdrong chô̆ hơmet unh điên, vei lăng, hơ met ming yoa đe druh dăm anih jang unh điên Dak Nông bơ̆ jang. ‘Nâu jĭ tơdrong jang tôch đei yoa đơ̆ng druh dăm, sơ năm mơ lôh Dak Nông hơiă kơ tơdrong Jơnei đơ̆ng Hop akŏm khul druh dăm CS Hồ Chí Minh dêh char ‘măng mă IV; năm truh Hop akŏm bơngai tang măt ăn Đoan lơ̆m tĕh đak ‘măng mă XII, jăl jang đơ̆ng 2022-2027.