Bơ̆ jang tơdrong jang tơm kơ tĕh đak Tơjur tơnuh hin kơjăp ‘lơ̆ng đơ̆ng 2021-2025, dêh char Gia Lai vă tơgŭm man ‘nao păng hơmet ming hnam so ăn tŏ sĕt hlŏh ‘nŏh 2.000 unh hnam tơnuh, unh hnam vă jê̆ tơnuh; pơm ‘lơ̆ng ăn 98% unh hnam tơnuh đei yoa đak rơgŏh; vă rim hơiŏh tơ̆ apŭng tơnuh đei năm hŏk, đei the ƀao hiêm pơgang….

Dêh char vă akŏm ăn 7 tơdrong jang đei: Tơgŭm jên man anih jang, pơm trong vă pơyoa ăn tơdrong jang mŭk drăm, tơpôl tơ̆ apŭng tơnuh; pơjing lơ trong jang xa, hơtŏk trong jang tơjur tơnuh hin; tơgŭm jang atŏk tơiung tơdrong jang xa, tơmam xa bek ‘lơ̆ng; hơtŏk tơdrong pơtho tơdrong jang, chă tơdrong jang kơjăp ‘lơ̆ng; tơgŭm hnam oei ăn unh hnam tơnuh, unh hnam vă jê̆ tơnuh tơ̆ dôm apŭng tơnuh; bơ̆ jang roi tơbăt păng tơjur tơdrong kơƀăh tơdrong roi tơbăt; hơtŏk đon hlôh vao, dăr lăng, hơlen năng dôm tơdrong jang păng trong tơgŭm ăn unh hnam tơnuh, unh hnam vă jê̆ tơnuh.