Lơ̆m kơ sô̆ dôm anih mơdro sa hiơ̆ păng hre jên ƀao hiêm tơpôl tơ̆ Gia Lai, đei 15 anih mơdro sa teh đak, kơ sô̆ jên hiơ̆ kơ nôp 12 ti hlak jên; 1071 anih mơdro sa ‘ngoăih kơ teh đak kơ sô̆ jên hiơ̆ kơ nôp 48 ti hlak jên, 167 anih jang hre jên Ƀao hiêm tơpôl đei tơ ‘ngla đĭ klĕnh, pdơh kơ jang, hăm kơ sô̆ jên hre 17 ti hlak jên.

Ƀok Trần Ngọc Tuấn, Phŏ Kơdră vei lăng Ƀao hiêm tơpôl dêh char Gia Lai tơbăt, tơdrong hiơ̆ kơ nôp jên dôm kơ loăi ƀao hiêm ăn bơngai jang tơ̆ Gia Lai, găh lơ yua đơ̆ng dôm anih mơdro sa tơƀơ̆p mơmat tat. Kŭm hăm tơdrong gơih roi tơbăt truh dôm anih jang hiơ̆ kơ nôp, anih jang ƀao hiêm gô yua lơ trong jang vă vei sơđơ̆ng tơdrong đei yua ăn bơngai jang.