VOV4.Bahnar - Anih vei lăng kon pơ lei dêh char Gia Lai ‘nao tơ lĕch Trong vă jang bơ̆ jang kiơ̆ tơ drong tơ chơ̆t kơ sô̆ 23/NQ-CP ‘năr 2-3-2022 đơ̆ng Khŭl kơ dră teh đak găh hơ tŏk tơ iung mŭk drăm tơ ring sơ lam tơ̆ kông tơ̆ tơ ring. Dêh char Gia Lai đei 90km trong sơ lam tơ til hăm dêh char Ratanakiri, teh đak Campuchia. Tơ ring sơ lam kơ dêh char dang ei đei 7 xăh kơ 3 apŭng sơ lam, hăm akŏp kơ sô̆ kon pơ lei vă jê̆ 50.000 ‘nu găh 20 hơ drĕch hơ drŭng ‘nhŏng oh arih sa. Vă tơ lĕch jang hơ năp jang vei sơ đơ̆ng dôm tơ drong hơ găt hlôi đei tơ lĕch ăn tơ̆ Tơ drong tơ chơ̆t kơ sô̆ 23/NQ-CP đơ̆ng Khŭl kơ dră teh đak, Anih vei lăng kon pơ lei dêh char athei rim anih jang, tơ ring akŏm pơ jing dôm trong jang vă bơ̆ jang kiơ̆ tơ drong hơ găt đơ̆ng trong tơ lĕch jang âu hơ dai hăm ‘noh tơ roi tơ băt jơ̆p jang tơ drong tơm Tơ chơ̆t đơ̆ng Khŭl kơ dră teh đak; hơ tŏk loi dơ̆ng tơ drong jang tơ roi tơ băt păng bơ̆ jang kiơ̆ dôm hla ar kăl khôi luơ̆t găh tơ ring sơ lam mă khŭl kơ dră teh đak 2 teh đak Việt Nam păng Campuchia hlôi kĭ pơ kăp.

Thuem: Tơ blơ̆