VOV4.Bahnar - Đơ̆ng rŏng 2 năr tơ lĕch jang, ‘năr brei (11/5), Jơ nŭm vei lăng ‘long pơ glang ƀrê dêh char Gia Lai jang hơ dai hăm anih jang ASIF (Australasia Social Impact Foundation) tơ̆ Việt Nam pơ gơ̆r pơ jao 39 tơ drong jang “ Đak kuay rơ goh pơ jao kơ pơ lei” ăn kơ kon pơ lei tơ̆ 3 apŭng: Ia Grai, Chư Prông, Chư Păh kơ dêh char Gia Lai. Kiơ̆ kơ ‘noh, 1 tơ drong jang đei” kơ thŭng mong đak 3.000 kơ lich, cham, hơ nih păng dôm tơ drong hơ nih nai hai.

Jên ming man đơ̆ng 80 truh 120 triệu hlak jên 1 tơ drong jang. ‘Nâu jĭ tơ drong jang lơ̆m tơ drong jang “ Đak kuay rơ goh pơ jao kơ pơ lei” đei tơ lĕch jang kiơ̆ jăl jang đơ̆ng sơ năm 2021-2023. Tơ drong jang vă pơm tơ drong hiôk găh đak yua ăn kon pơ lei, mă loi ‘noh jĭ tơ̆ dôm tơ ring hơ tăih hơ tŏ, tơ ring kon pơ lei kon kông tơ gop pơm hơ tŏk ‘lơ̆ng tơ drong arih sa.

Thuem: Tơ blơ̆