VOV3.Bahnar - Pơgê năr 7/10, tơ̆ thĭ xah An Khê, Dơnŏ anĭh Đảng, Jơnum vei lăng kon pơlei, Dơnŏ anĭh vei lăng kon pơlei, Dơnŏ anĭh MTTQ Việt Nam thĭ xah An Khê pơgơ̆r Pơdong grong ƀŭ 19 kơ̆l Ƀô̆ đô̆i lôch dŏng tĕh đak kơ yuơ Khŭl K52 - Dơnŏ anĭh Ƀô̆ đô̆i dêh char Gia Lai ‘nao tơchă, kôch akŏm.

Gia Lai pơdong groong ƀŭ 19 kơ̆l Ƀô̆ đô̆i lôch dŏng Tĕh đak

Kiơ̆ kơ ‘nŏh, lơ̆m khei 8 păng khei 9 au ki, rim kang ƀô̆, ƀô̆ đô̆i Khŭl K52 dêh char Gia Lai iung jang hơdoi hăm rim hơnĭh bơ̆ jang tơring hơlen hơdăh dôm tơdrong đơ̆ng rim ƀô̆ đô̆i so păng kon pơlei tơbăt ăn găh lŏk Ƀô̆ đô̆i lôch dŏng tĕh đak lơ̆m apŭng Đak Pơ păng thĭ xăh An Khê. Đơ̆ng nŏh, rim ƀô̆ đô̆i K52 hlôi năm tơchă ƀô̆h 18 kơ̆l ƀô̆ đô̆i lôch dŏng tĕh đak tơ̆ thĭ xah An Khê păng 1 kơ̆l tơ̆ apŭng Đak Pơ. Atum hăm ‘nŏh, rim tơmam drăm nhen nut ao, hơnhŭn, chơkhŏ ksu, pơnhan sŏng sa.

VOV Tây Nguyên/Amazưt tơblơ̆ nơ̆r